• Prix
    • Prix
    • Critères
    • Catégories
    • Jury
  • Cérémonie
  • Actualités
  • Rétrospective
    • 2019
    • 2017
    • 2015
  • Contact

Jonk trëfft Al – e literareschen a filmesche Projet intergénérationnel

D‘Primärziel vum Projet huet dora bestanen, de kommunikativen Austausch tëschent eise Schüler an der Generatioun vum drëtten Alter systematesch iwwert e längeren Zäitraum ewech ze förderen.
– Am Laf vun de leschten 2 Joer koum et deemno anlässlech vu villen Eenzelgespréicher, gemeinsame Gruppenaktivitéiten a géigesäitegen Visitten zu wäertvollen Ablécker an d’Liewenswierklechkeet, respektiv an d’Erfahrungswelt vu « Jonk an Al » – wat e weideren erkläerte But vun eisem Projet wor.
Nieft dem sozialen an humanen Aspekt ass awer och der pädagogesch-schoulescher Missioun vun eiser Initiativ Rechnung gedroe ginn :
– Op literaresch-sproochlechem Plang gouf während dem Schouljoer 2014/15 vun 3ièmes-, 5ièmes- a 6ièmes-Klassen un 3 illustréierte Brochuren zum Thema «Zeitzeugen im Gespräch, 1939-1945 » geschafft.
Ausgezeechent gouf dës schrëftlech Aarbecht am Mäerz 2016 mam LGV-Präis 2016 an der Kategorie «Originellstes Klassen-/Schülerprojekt im Fach Deutsch ».
Nach wie vor hu mir an deem Kontext de grousse Wonsch, dës gesammelt Krichserënnerungen iergendwann a Buchform kënnen fir de grand Public ze publizéieren.
– Am Beräich vun den neien Technologien hu mir eis am Schouljoer 2015/16 drop konzentréiert, d‘Entrevuen an d‘Kooperatioun tëschent « Jonk an Al » mat der Videokamera festzehalen. Den ideale Kader fir dës nei Missioun hu mir am Beetebuerger Fleegeheem « An de Wisen » fonnt.
Den eigentlechen Déclic fir den Zeitzeugen-Projet intergénérationnel ass dem Holocaust-Iwwerliewenden Gerd Klestadt ze verdanken, dee schonn am Joer 2012 anlässlech vun engem Virtrag bei eis am Lycée di jonk Leit dozou opgeruff huet, sech ëmmer erëm op en Neits mat eiser Vergaangenheet ze beschäftegen a sech am Alldag mat der néideger Zivilcourage fir Matmënschen an Nout anzesetzen – onofhängeg vu Geschlecht, Nationalitéit, sexueller Orientéierung a Kultur.
Zu de positiven «effects directs » vum Projet intergénérationnel zielen ech :
– eng allgemeng Zefriddenheet, jo e gewësse Stolz bei menge Schüler op di geleeschte schrëftlech a filmesch Aarbecht, zemol de literaresche Volet dovun bekanntlech vum LGV honoréiert gouf,
– d‘Gefill bei de Schüler, muenches iwwert d’Vergaangenheet awer och muenches iwwert di aktuell Liewenswierklechkeet an den Alldag vun eisen eelere Matbierger matkritt ze hunn,
– d‘Freed vun enger ganzer Partie vu Senioren, a kommunikative Kontakt zu jonke Leit kënnen ze trieden – jonk Leit, déi hinnen opmierksam nogelauschtert a si eescht geholl a respektéiert hunn, an hinnen mënschlech Virbiller mat grousser, oft schwéierer Liewenserfarung entdeckt hunn,
Zu de positiven « effets indirects » vum Projet zielen ech :
– eng verfeinert Nolauschter-, Dialog- a Schreiwkompetenz bei deene Schüler, déi intensiv Gespréicher mat eelere Leit gefouert hunn an déi Gespréicher och schrëftlech op Däitsch fixéiert, mat der Kamera dokumentéiert hunn,
– en zunehmend Verständnis vum Medium Film bei de Memberen vum « Schuman Tube », déi zu Beetebuerg aktiv woren,
– eng Verbesserung vun de sozialen a kommunikative Kompetenzen a méi Selbstsécherheet am Ëmgäng mat frieme Leit bei enger ganzer Partie vun den involvéierte Schüler,
– en neien « Esprit de Corps » an eng nei Form vu Solidaritéit an Engagement ënnert de Memberen vun eisem nach jonke Film-Team, wat sech z.B. och a gemeinsam organiséierte Spenden-Aktiounen fir e gudden Zweck (Een Häerz fir kriibskrank Kanner / PADEM, Aide aux enfants en détresse / ASTI) bemierkbar gemaach huet.

Organisé par
Service National de la Jeunesse
Avec le soutien de
Anefore
Partenaire médiatique
RTL

© 2021 | Tous droits réservés

  • Mentions légales
  • Politique de confidentialité

Nous utilisons des cookies pour vous offrir la meilleure expérience sur notre site.

You can find out more about which cookies we are using or switch them off in settings.

Jugendprais
Powered by  GDPR Cookie Compliance
Résumé de la politique de confidentialité

Ce site utilise des cookies afin que nous puissions vous fournir la meilleure expérience utilisateur possible. Les informations sur les cookies sont stockées dans votre navigateur et remplissent des fonctions telles que vous reconnaître lorsque vous revenez sur notre site Web et aider notre équipe à comprendre les sections du site que vous trouvez les plus intéressantes et utiles.

Cookies strictement nécessaires

Cette option doit être activée à tout moment afin que nous puissions enregistrer vos préférences pour les réglages de cookie.

Si vous désactivez ce cookie, nous ne pourrons pas enregistrer vos préférences. Cela signifie que chaque fois que vous visitez ce site, vous devrez activer ou désactiver à nouveau les cookies.

Cookies tiers

Ce site utilise Matomo pour collecter des informations anonymes telles que le nombre de visiteurs du site et les pages les plus populaires.

Garder ce cookie activé nous aide à améliorer notre site Web.

Veuillez activer d’abord les cookies strictement nécessaires pour que nous puissions enregistrer vos préférences !